ابو ذية عراقي 2012, ابو ذيات عراقية 2013

ابو ذية عراقي 2012, ابو ذيات عراقية
ابو ذية عراقي 2012



ديرة صفت بس للعفن والغاز

وحجيهم كلة حزورات ولغاز

رمونة بضيم النفط والغاز

وغياب الكهرباء اكبر اذية



يطارش خذكتابي وياك وصله
وعلى المعرف عمامه منين وصله
اخبره الكلب صاراثنعش وصله
وكل وصله تطالب جيبه اليه





وحق الكال للشيطان كلا
الك فدوه يروح العمر كلا
حبيبي لوتطكني الف كله
اكلك زيد كلاتك عليه






*****راح الكان إلي ذروة وأنا خي

وصرت من هبت النسمه أنخي

الناس تشيلها أخوتها وأنا خي

أكثر من عدوي عمل بيه

اتلفت زهرة شبابي بسوالف
وكضيت اسنيني هايم بسوالف
يدولابي دخيلك بسوالف
تلف مكلوب وين تريد بية


زمان الغير كليبك وداره
ياما كلبي أسعالك وداره
جنت للدلال أم أنته وداره
وصرت كل ظيم المضه والمر عليه



بين أبحور أعبرلك ودورك
ماينفع لامالك لاقصرك ودورك
أخذ دوري بالدنيا ودورك
وشوف ياهو الاصعب رده اليه

بشغف حبي أدوخنك وديرك
بوسط گلبي أسكننك وديرك
دوه لعظاي أشربنك وديرك
يالكلك حلو ومامنك أذيه


يـا دكتور جــس نبضي شمالــي
أو بعد يمناي ما توصل شمالـي
أني الي جنـت غربــي شمالــي
صرت شرجي اوعلى الاوادم أاذيه

بصراي حلات النومي يلطيبين بصراي
ومثل طيب العماره الكيت بصراي
دهاكم واخذو مني العين بصراي
واشوف ابشوف شوفتكم عليه

وجت نار قلبي بس طفت بيك
ولو مو كعبة انت بس طفت بيك
امس ما شفتك اني بس طفت بيك
خدرت وجن قلبي واكع بدية

صفيت اكتب ودهري علي يملي
ومن كثر النوايــــــــب ناخ يملي
نخيت اللي قصـــد للماي يملي
والصار بكربته هل صار بيه

الله من الگمر خالق وجه لك
أشلون أنساك يمعود وجهلك
أفكر بيك بكماطك وجهلك
وأحبك وأنت تلعب ليه ليه